Weblog

Wednesday, 14 November 2007

Tuesday, 30 October 2007

  • Visit Nigo

    第一次抱契仔 - 煒軒 (Nigo)....全程都好乖, 無扭計喎~

    都唔知買咩上去, 諗0下諗0下都係尿片實際D......

    如果有時間0既, 我一定成日上0黎探你0既....我都知坐月係件好悶0既事.....

     

Sunday, 28 October 2007

  • My favourite canton cafe is closed ..... WHYYYYY ???

    琴日去左 Poly 幫Ling ( Oz 識0個個) 影畢業相......好犀利呀....我都無識過朋友帶四方帽0既.....I'm proud of Ling

    我揀0既 "畢業 Dale", 希望大家滿意啦

    至於今日, 同媽咪去左街返藍田想搵野食, 我話想去"金海" ---- 經常打躉0既地方.....一坐落見到張 notice, 話今晚十二點光榮結業.....唉....要發生0既始終要發生, 對面舖早前已經收返變身街市, 而家輪到呢邊, 都唔明個業主點諗, 好地地住宅樓下改乜鬼街市0者?! 污糟 lat 榻, 睇佢幾時執!!!!!

    大大話話都幫襯0左十年, 好唔捨得得呢個"老朋友", 呢間茶餐廳帶比我好多回憶 : "靚仔阿叔" -- 一個我未坐低就會放杯凍檸檬少甜0係檯 (仲抹緊0個喎!) 0既好人waiter....又有成日請飲例湯0既四眼阿姐, 好味0既香辣牛根河走青, 星洲米, 勁多汁蒜蓉豬扒意.....仲有同各方好友0既喜怒哀樂.....

    全藍田只此一家凌晨才打烊, 以後去邊樹 hea 呀?!!!! 

     

Friday, 26 October 2007

  • My last working day in SCE

    等0左個幾月, 今日終於都到喇......

    唔係份可觀0既糧, 真係無可能捱到今日; 若然公司D人可以好D, system 可以好D, 做野0既流程可以"現代化"D, 都有考慮0既空間, 可惜睇0左3個月, 都睇唔出佢地有改進0既動作....算啦....我退出~

    對0左三個月, 真係返工放工, 連杯我都唔想拎返去用, 今日走0既時候, 拎個袋"立"埋支水就閃, 兩袖清風...

    放工同同事K去九展食buffet, 先去佢屋企樓下接0左對仔女, 再打的過去.....佢對仔女好得意, 睇住佢地真係好開心, 家姐細佬都好0鍚對方....好 sweet 呀~

    野食麻麻, 係樣樣有D, 但又唔係射別好食.....短期內唔會有下次咯.....

    0係度衷心多謝 K 0係三個月0黎0既照顧同體諒.......Thank you

Tuesday, 23 October 2007

  • Nigo is coming to the world

    晏晝收到 Ling 0既電話, 話返醫院body check.....不過醫生話佢血壓高, 可能隨時要阿B早D出世, 以免大家有危險.

    就係咁, 下晝開始keep 住收到佢老公0既 SMS 報告住最新情況.

    夜晚九點幾, 我0既契B出世喇...... 母女平安, 放心哂

Top Tags - Weblog

[no tags]